ماااذا تفعل في رمضاااااااااااااان

رمضان جانا.. طب يا تري فرحنا به؟!

ماااذا تفعل في رمضاااااااااااااان Awel_00

شارع في مدينة أو قرية مصرية من كام سنة فاتوا كده/ قبل حلول شهر رمضان بأيام قليلة..

كل شباب المنطقة متجمعين في آخر الشارع، وكأنهم يعقدون مجلس حرب، ثم يبدأ "إسماعيل" أكبرهم سنا وأكثرهم حضورا وأقواهم شخصية في الحديث:
- اتفقنا يارجاله.. يبقى كل سنة وإنتم طيبين الأول.
- وإنت طيب يا "سمعة".
- تسلموا.. يبقى بالصلاة ع النبي كده.. "أحمد" هو اللي هيمر على الشقق والبيوت يلم فلوس الزينة.. و"سيد" هو اللي هياخد الفلوس عشان يشتري الزينة.. و"أنور" هو اللي هيشتري الفانوس الكبير اللي هنحطه في قلب الشارع والكام فانوس الصغيرين اللي هنحطهم في الأركان.. وهنتجمع هنا -إن شاء الله- ليلة الرؤية عشان نبدأ نعلق الحاجات كلها..
اتفقنا.
- "بصوت عالي وقوي".. اتفقنا
ماااذا تفعل في رمضاااااااااااااان Awel_01

ماااذا تفعل في رمضاااااااااااااان Awel_01

***
نفس الشارع في نفس المدينة أو القرية ونفس الكام سنة اللي فاتوا/ ليلة رؤية هلال رمضان
الشارع وقد تحول إلى خلية نحل.. سلالم خشبية كثيرة وطويلة مستندة إلى الشقق والبيوت والعمارات وقد وقف عليها أطول شباب المنطقة ليعلق الزينة.. والفوانيس.. وقد خرج كثير من الأهالي في البلكونات لمساعدة الشباب وتقديم العصير والميه الساقعة.. وصوت شيخ الأزهر في التليفزيونات والراديوهات يعلن أن غدا هو أول أيام شهر رمضان المبارك..

تمر عربية كارو في الشارع قبل أن تحتك بأحد السلالم الذي يهتز فيقع من عليه "أنور" ليسقط فوق العربية تماما.. التي -من ستر ربنا- كانت محملة بالقطن!
يهرول الجميع نحو سائق العربية الكارو ليفتكوا به قبل أن يوقفهم "سمعة"
بإشارة من يده وهو يقول:
- خلاص يارجاله.. أكيد مش قصده.. وبعدين إحنا داخلين على رمضان.. عيب ما يصحش..

يتراجع الشباب إلى الخلف ويتنفس صاحب العربية الكارو .. ثم يربت على كتف "أنور" الذي يبتسم له قبل أن يقول له في مرح:
- ولا يهمك ياريس.. كويس إنك ماكنتش بتنقل "قصب" مكان القطن!
يضحك الجميع..
ماااذا تفعل في رمضاااااااااااااان Awel_02

ماااذا تفعل في رمضاااااااااااااان Awel_02

وتلمح ذلك المشهد "سوسن" من البلكونة فتهرول إلى داخل الشقة وهي سعيدة قبل أن تقابل والدتها التي بدأت في الدخول إلى معسكر مغلق في المطبخ، ثم تسألها:

- هو مين جاي بكرة يا ماما؟
تلتقط والدتها برطمان الملح وهي تقول:
- عدي معايا.. عشان حاسة إننا محتاجين نشتري معالق.. أبوكِ ده دايما يوفر على الحاجة الهايفة كده.. فالح يشتري لي جورنال كل يوم وخلاص.. أهي المعلقة بتمن 3 جرانين!.. شوفي يا ستي.. خالك ومراته وأولاده وخالتك ومراتها وأولادها.. وعمك الخنيق ومراته الأخنق!- يالا إحنا في رمضان-.. وصاحبتك "نهاد" اللي لازقة لنا في كل حتة دي -شكلها عاوزة تتجوز أخوك!-.. ما علينا.. وكمان "ليلى" جارتنا والحاجة "أم عصام".. فعلا إحنا كده محتاجين معالق!

تضحك "سوسن" وهي تقول:
- أمال هنروح لجدو إمتى؟
- تالت يوم في رمضان.. ما إنت عارفة هو دايما بيقول إنه بيسيبنا أول يوم وتاني يوم عشان اللي عاوز يعزم حد يعزمه وبعدين يعزمنا كلنا.. بيبقى مولد يومها بتاع 30 واحد والبيت قديم وما يستحملش.. بس والله بتبقى لمة حلوة.. والواحد بيشوف ناس مش بيشوفهم من السنة اللي فاتت.. ما تتحركي كده يا بت وناوليني الفلفل.. طالعة لأبوكِ بطيئة!

ماااذا تفعل في رمضاااااااااااااان Awel_03

ماااذا تفعل في رمضاااااااااااااان Awel_03

***
هو ده رمضان اللي نعرفه في مصر
حب وألفة وتجمعات أسرية صداقية "نسبة للصداقة".. وريحة الخير والحب مغرقة البشر والأماكن والنفوس.. ومعششة في الأركان والشوارع والحارات..

رمضان..
يعني لمة الناس ساعة الفطار
يعني قعدات السهر وحواديت الجدات والآباء والأمهات
يعني حكاوي الناس الطيبين والقلوب اللي فاتحة على بعض

كل ده كان بيحصل من زمان..
والمفروض إنه لسه بيحصل لغاية دلوقت
بس هل ده صحيح فعلا؟

ماااذا تفعل في رمضاااااااااااااان Awel_04

ماااذا تفعل في رمضاااااااااااااان Awel_04

يعني لسه رمضان..
له نفس الريحة والفرحة واللمة؟
لسه الفطار الجماعي لأكبر عدد من أفراد الأسرة في أول أيام رمضان ركن أساسي من أركان الاحتفال بقدوم هذا الشهر المبارك؟

ولاّ الأمور اتغيرت
والدنيا بقت زحمة والناس ما عدتش بتلاقي بعضها فيه
لسه بتقعد بالليل وقت السحور مع قرايبك في البلكونة تقولوا الحواديت وتضحكوا من القلب لغاية ما الكبار يندهوا عليكوا عشان تلحقوا تتسحروا قبل الفجر ما يأذن؟
ولا مافيش وقت لكده وتلاقيك بتتسحر على ساندويتش في أي مطعم تيك أواي لأنك مش فاضي أساسا لحاجة زي كده؟

لسه بتحرص تجيب فانوس هدية لبنت أخوك الصغنونة..
ولا إنت أساسا مش بتشوفها في رمضان؟

هتعلق الزينة السنة دي مع جيرانك في الشارع..

ماااذا تفعل في رمضاااااااااااااان Awel_05

ماااذا تفعل في رمضاااااااااااااان Awel_05

ولا هتهرب منهم عشان ما تدفعش فلوس من أصله؟

باختصار يعني
رمضان بالنسبة لك لسه له فرحته وطقوسه الخاصة
ولا أهو شهر وبيعدي؟

مبارك عليكم الشهر يا أحلى أعضـــــــــــــــــاء
وجعله الله شهر مبارك علينا وعليكم وعلى الامةالاعربية
ويتقبل الله منا صيامنا وقيامنا بــــــــــــــــــإذن الله

--------------------

ماااذا تفعل في رمضاااااااااااااان RAMADAN%20KARIM

ماااذا تفعل في رمضاااااااااااااان RAMADAN%20KARIM

شكرا

مشكورة

شكرا على ردودكم

العفو